Facendo candeas

Aquí estamos atarefados facendo candeas con panais de cera. Arder non sabemos se arderán pero cheiran de ben....

Xoves apicultores

Pequenos apicultores en papel

Irene trouxo...

unha foto dunha colmea que ten o seu veciño, e que ela pode ver dende a súa casa, e agora xa a podemos ver todos no blog!

Chegaron as abellas!!

Debe ser de tanto que cheira a nosa clase a mel que apareceu un escuadrón de abellas dispostas a recoller caldeiros con tan saboroso doce!! (fixádevos que primeiro pintamos as abellas, logo as recortamos e por último, coma se fose un puzzle, repartimos as pezas e así cada un tiña catro pezas diferentes pintadas por un compañeiro ou compañeira. A pegar e listo! Quedaron moi orixinais!!)

Flores de polen

Despois de escribir e pintar as flores pegámoslles polen de verdade!! Aínda vai aparecer algunha abella pola clase a querer coller algún!

Traballando coas palabras

A mesa do mel

Mirade que de cousas relacionadas co mel temos na clase!! Libros, panais, colmeas, afumador... e como vedes a cada cousa lle puxemos unha etiqueta co seu nome, para quen non saiba como se chama!!

Un astronauta no cole??!!

Nooooooooooooooon!!!! somentes un aprendiz de apicultor!!

A mesa do mel

Aquí queremos que vexades algunha das cousas que estamos reunindo en relación as abellas e o mel. Libros, folletos, afumador, panal, colmea....

Panal panalciño deixa os meus dedos pegadiños!

Aquí estamos vendo un panal dunha colmea. Agora non ten o mel xa que o apicultor quitouna. Está moi pegaxoso! Cheira moi ben e hai que ter coidado xa que é moi fráxil e mesmo coa calor das nosas mans parece que se desfai.